Makina përplas motorin në autostradën Durrës-Tiranë, plagoset një person

Një aksident është regjistruar mbrëmjen e kësaj të marte në Durrës. Një automjet është përplasur me një motocikletë. Ngjarja rrugore ndodhi pranë mbikalimit për në Shkozet, në autostradën Durrës-Tiranë.

Pas përplasjes me mjetin e tipit “Volkswagen Golf”, motori ka përfunduar jashtë rruge. Policia ka mbërritur në vendngjarje, ndërsa drejtuesi i motocikletës është dërguar në spital ku ndodhet nën kujdesin e mjekëve.