Rriten kostot për fermerët! Heqja e subvencionit të naftës rrit kostot, fermerët shqiptarë më pak konkurrues

Mekanika bujqësore fermerit shqiptare këtë vit do t’i kushtojë më tepër, heqja e naftës nga lista e masave të mbështetjes në skemën kombëtare, dhe lufta nga ana tjetër për bujqësinë do të sjellë rritje të kostove të prodhimit.

Sipas ekspertëve të ekonomisë fondi prej 5.2 miliard lekësh për bujqit shqiptarë duhet të ishte menaxhuar më mirë në periudhë lufte

“Mua më vjen çudi fakti që qeveria vendosi ta heqë subvencionin e naftës me justifikimin që me skemën e re po tentojnë më shumë drejt fermerit prodhues. Por të mos harrojmë faktin që jo vetëm kostoja e naftës është rritur në tregjet botërore, por edhe kostot e imputeve bujqësore që është si nënprodukt i naftës është në rritje”, deklaroi eksperti i ekonomisë, Ergis Sefa.

Ndryshe nga ne, vende e rajonit dhe Evropës kanë zbatuar një tjetër politikë mbështetëse. Traktorët e fermerëve në Kosovë dhe serbi do t’i punojnë tokat shumë herë më lirë se bujqit tanë.

“Kosova, Serbia i kanë rritur në mënyrë të ndjeshme nivelin e subvencioneve duke lënë dhe mbështetjen e naftës. Ndërsa në Evropë vendet si Austria dhe Italia e kanë lënë subvencionin e naftës duke bërë një ulje të akcizës, dhe kështu fermeri e merr më të lirë”, tha eksperti i ekonomisë, Ergis Sefa.

Në vitin 2025 nafta për bujqësinë buxhetit shqiptarë i kushtoi 2.2 miliard lekë, afërsisht 50 mijë fermerë përfituan mbështetje direkte për karburant. Në skemë kombëtare të 2025, nafta e bujkut është zëvendësuar me një tjetër masë që ka për qëllim uljen e kostove të prodhimit. Të gjithë fermerët që kanë më tepër se 3 ha tokë do të përfitojnë 10 mijë lekë për hektarë./ Top Channel