Tropojë/ Konflikti mes fqinjëve përfundon me dhunimin e një 60-vjeçari, dërgohet te Trauma (FOTO)

Një konflikt mes fqinjëve në Tropojë ka përfunduar me dhunimin e një 60-vjeçari, i cili për shkak të dëmtimeve të marra është transportuar për mjekim në Spitalin Universitar të Traumës në Tiranë.

I lënduari është identifikuar si Man Nezaj, ndërsa po merr trajtim mjekësor për plagët e pësuara.

Sipas të afërmve të tij, përplasjet mes palëve kanë qenë të përsëritura, ndërsa pretendohet se konflikti është përshkallëzuar deri në dhunë.

Ndërkohë, autoritetet pritet të zbardhin rrethanat e ngjarjes dhe të sqarojnë përgjegjësitë lidhur me këtë konflikt.