“I PAPRANUESHËM!”/ Çfarë përmbante PLANI për paqen i Iranit që u refuzua kategorikisht nga Trump

Përplasjet diplomatike mes Iranit dhe Shteteve të Bashkuara janë thelluar edhe më shumë.

Kjo pasi Teherani ka refuzuar propozimin e fundit amerikan për ndalimin e konfliktit, duke e cilësuar atë si një “marrëveshje dorëzimi”.

Sipas mediave shtetërore iraniane, autoritetet në Teheran i kanë dërguar Uashingtonit një kundërpërgjigje zyrtare ku vendosin disa kushte për çdo marrëveshje të ardhshme. Mes kërkesave kryesore përfshihen pagesa e dëmshpërblimeve të luftës nga SHBA-të, heqja e sanksioneve ekonomike ndaj Iranit, lirimi i aseteve të bllokuara jashtë vendit dhe njohja e kontrollit iranian mbi Strait of Hormuz.

Reagimi iranian erdhi menjëherë pasi presidenti amerikan Donald Trump e kritikoi publikisht përgjigjen e Teheranit, duke e quajtur atë “krejtësisht të papranueshme”.

Nga ana tjetër, presidenti iranian Masoud Pezeshkian deklaroi se vendi i tij nuk do të pranojë presion apo dorëzim përballë SHBA-ve dhe aleatëve të saj, duke theksuar se negociatat duhet të bazohen në respekt reciprok dhe jo në kërcënime.

Sipas raportimeve të The Wall Street Journal, Irani ka propozuar gjithashtu reduktimin e një pjese të uraniumit të pasuruar dhe transferimin e pjesës tjetër në një shtet të tretë, me kusht që materiali të rikthehet nëse marrëveshja dështon ose nëse SHBA tërhiqet prej saj.

Ndërkohë, tensionet në rajon vijojnë të rriten për shkak të situatës në Ngushticën e Hormuzit, korridori strategjik nga ku kalon një pjesë e madhe e furnizimit global me naftë. Irani ka shtuar kontrollet dhe masat ndaj anijeve që lëvizin në zonë, ndërsa SHBA dhe aleatët perëndimorë kanë paralajmëruar se nuk do të lejojnë bllokimin e këtij korridori detar.

Situata është rënduar më tej edhe nga raportimet për sulme me dronë në Gjirin Persik. United Arab Emirates njoftoi se ka rrëzuar dy dronë të nisur nga Irani, ndërsa autoritetet në Kuwait dhe Qatar raportuan incidente të tjera pranë hapësirave të tyre detare dhe ajrore.

Në një deklaratë të fortë, zëdhënësi i komisionit të sigurisë kombëtare të parlamentit iranian, Ebrahim Rezaei, paralajmëroi se çdo sulm ndaj interesave apo anijeve iraniane do të marrë një përgjigje “të ashpër dhe vendimtare”.

Ndërkohë, sipas mediave iraniane, komandanti ushtarak Ali Abdollahi ka zhvilluar një takim me Mojtaba Khamenei, ku janë diskutuar udhëzime të reja për vijimin e operacioneve ushtarake në rajon.