Meloni: Rihapja e Hormuzit është thelbësore, Italia gati të dërgojë anije

Rihapja e Ngushticës së Hormuzit është thelbësore për stabilitetin dhe për çdo zgjidhje të konfliktit në Lindjen e Mesme. Kështu u shpreh kryeministrja italiane Giorgia Meloni pas përfundimit të samitit në Paris.

Në deklaratën për mediat, Meloni tha se Italia është e gatshme të japë kontributin e saj në misionin ndërkombëtar për garantimin e lundrimit të lirë.

Ajo theksoi se vendi mund të vërë në dispozicion edhe njësi detare, por kjo do të ndodhë vetëm pas miratimit nga Parlamenti.