SHBA: Përgjigje ushtarake nëse Irani mbyll sërish Ngushticën e Hormuzit

Zëvendëspresidenti i SHBA-së, JD Vance, ka paralajmëruar Iranin se do të përballet me një përgjigje ushtarake amerikane nëse përpiqet të bllokojë Ngushticën e Hormuzit.

“Nëse Irani përpiqet ta mbyllë ngushticën, do të ketë një përgjigje nga ushtria amerikane. Kjo është marrëveshja.

Ajo që kemi rënë dakord është: ne do ta heqim bllokadën tonë nëse ju ndaloni së qëlluari anijet, por nëse vazhdoni të qëlloni mbi anije, ne do të godasim prapa” theksoi ai.

Vance vuri në dukje se Irani duhet të respektojë marrëveshjen ose do ta pësojë.

“Irani mund ta respektojë marrëveshjen ose do të pësojë saktësisht atë që ndodhi natën e kaluar.

Kjo do të vazhdojë të ndodhë derisa të hapin korsinë dhe të ndalojnë së qëlluari anijet”, deklaroi Vance në një konferencë për shtyp në Washington, DC.

Ky paralajmërim vjen në mes të tensioneve të larta në rajonin e Gjirit Persik, ku Ngushtica e Hormuzit është një arterie jetike për transportin global të naftës.