Meta kërkon zbutjen e masës së sigurisë, GJKKO cakton seancën më 11 maj

Kreu i Partisë së Lirisë, Ilir Meta, ka depozituar në Gjykatën e Posaçme një kërkesë për ndryshimin e masës së sigurisë “arrest me burg”, duke kërkuar një masë më të lehtë dhe duke ofruar garanci pasurore.

Burime bëjnë me dije se GJKKO ka caktuar seancën për shqyrtimin e kërkesës më 11 maj, në orën 11:30.

Ndërkohë, avokati i Metës, Kujtim Cakrani, është njoftuar nga gjykata për të qenë i pranishëm dhe për të paraqitur argumentet në mbrojtje të ish-presidentit.

Kërkesa do të merret në shqyrtim nga gjyqtarja Etleva Deda.