E humbur prej 1600-ës, piktura e Rubensit që përshkruan kryqëzimin e Krishtit shitet për 2.7 milionë $

Një pikturë e humbur prej kohësh nga mjeshtri barok Peter Paul Rubens, e cila ishte fshehur për më shumë se katër shekuj, u shit për 2.3 milionë euro (2.7 milionë dollarë) në një ankand të dielën në Versajë.

Piktura u gjet së fundmi në një shtëpi private në Paris.

Ajo përshkruan kryqëzimin e Jezu Krishtit.

Ishte pjesë e një koleksioni francez dhe fillimisht mendohej se i përkiste një prej shumë punëtorive të Rubens që ekzistonin në atë kohë.

Vepra e artit rrallë vlerësohej më shumë se 10,000 euro (11,500 dollarë).

“Menjëherë pata një parandjenjë për këtë pikturë dhe bëra gjithçka që munda për ta vërtetuar atë”, tha ankandisti Jean-Pierre Osenat për Associated Press.

“Dhe më në fund, arritëm ta vërtetonim atë nga Rubenianum, që është komiteti i Rubens në Antwerp.”

Nils Büttner, një ekspert i njohur për kërkimin e tij mbi Rubensin, shpjegoi para ankandit se mjeshtri shpesh pikturonte kryqëzime, por rrallë e përshkruante “Krishtin e kryqëzuar si një trup të vdekur në kryq”.

"Pra, kjo është e vetmja pikturë që tregon gjak dhe ujë që del nga plaga anësore e Krishtit, dhe kjo është diçka që Rubens e pikturoi vetëm një herë."

Shtëpia e ankandeve Osenat tha se autenticiteti dhe prejardhja e pikturës, u konfirmuan pas analizave shkencore.

Ajo tha se ekzaminimi mikroskopik i shtresave të bojës zbuloi jo vetëm pigmente të bardha, të zeza dhe të kuqe në zonat që përfaqësojnë mishin, por edhe pigmente blu dhe jeshile, përdorimi i të cilave është tipik në përshkrimet e lëkurës njerëzore të Rubens.

Eksperti i artit Eric Turquin i tha një salle të mbushur plot e përplot se piktura ishte zhdukur praktikisht në fillim të viteve 1600.

Dihet se i përkiste piktorit klasik francez të shekullit të 19-të, William Bouguereau, përpara se t’i kalonte familjes