“NASA braktis stacionin hapësinor pothuajse të përfunduar për ta kthyer në bazë hënore

NASA ka njoftuar një rishikim radikal të strategjisë së saj për Hënën, duke braktisur planet për stacionin hapësinor Lunar Gateway në orbitë rreth Hënës dhe duke u fokusuar në krijimin e një baze të përhershme në sipërfaqen e Hënës.

Ky projekt i ri vlerësohet rreth 20 miliardë dollarë dhe përfshin përdorimin e komponentëve të Lunar Gateway, modula robotikë të uljes, dronë dhe infrastrukturën e parë për energji bërthamore në sipërfaqen hënore.

Administratori i NASA, Jared Isaacman, tha se ky qasje e ngjan logjikës së programit Apollo: një proces i gradual i mësimit, eksperimentimit dhe reduktimit të rrezikut. Gjithashtu, NASA planifikon të dërgojë një sondë të re në Mars me propulsion bërthamor deri në vitin 2028, duke shfrytëzuar teknologjitë e energjisë bërthamore për eksplorim hapësinor.

Braktisja e Lunar Gateway ngre pyetje mbi rolin e partnerëve ndërkombëtarë si Japonia, Kanadaja dhe ESA, të cilët kishin kontribuar komponentë për stacionin orbital. Megjithatë, NASA synon të përdorë pajisjet dhe angazhimin e partnerëve për të mbështetur objektivat e saj në sipërfaqen e Hënës.

Programi Artemis synon të realizojë një allunim me ekuipazh në 2028, ndërkohë që konkurrenca me Kinën rritet dhe kthimi në Hënë ka rëndësi gjeopolitike gjithnjë e më të madhe./Lajmi i Fundit