Pasi Edvin Ndreu u shkarkua për dhunën në Zvërnec, ja kush komandohet Drejtor i Policisë së Vlorës (EMRI)

Pas pezullimit të Elidon Çelës, Edvin Ndreu është komanduar në detyrën e drejtorit të Policisë së Vlorës.

Ndreu do të marrë drejtimin e policisë së Vlorës, ndërsa Çela u pezullua nga detyra dy ditë më parë pas dhunës ndaj protestuesve në Zvërnec dhe raportimit jo korrekt.

Kujtojmë se fillimisht, Drejtoria Vendore e Policisë Vlorë informoi se gjatë protestës kundër ndërtimit të resortit në  Zvërnec, një prej protestuesve, shtetasi E.S., ishte futur me forcë brenda rrethimit të kantierit, ku më pas ishte shoqëruar nga punonjës të një shoqërie private sigurie.

Sipas policisë, ai kishte pësuar dëmtime trupore dhe kishte kallëzuar dy punonjësit e sigurisë private, të cilët u proceduan penalisht.

Por pak orë më vonë, Drejtoria e Përgjithshme e Policisë së Shtetit kërkoi ndjesë për raportimin e gabuar të Policisë së Vlorës, duke sqaruar se qytetari në fjalë nuk ishte futur me forcë brenda rrethimit të kantierit, siç ishte deklaruar më herët.

Ndërkohë Drejtuesi i Policisë së Shtetit, Skënder Hita ndodhet sot në Vlorë ku po zhvillon takime në Prokurorinë e këtij qyteti. Pritet që pas mesdite të dalë në një konferencë për mediat nga Drejtoria Vendore e Policisë Vlorë.