Qeveri teknike, dorëheqje e Ramës dhe kufizim i mandative në pushtet/ Qytetarët ia rilexojnë kërkesat, poshtë zyrës

Pas deklaratave të kryeministrit Edi Rama, i cili u mor me Dritan Goxhajn, personin që lexoi kërkesat e protestës së një dite më parë, qytetarët kanë vendosur t’i rilexojnë publikisht kërkesat e tyre para Kryeministrisë, duke theksuar se fokusi duhet të jetë te përmbajtja e tyre dhe jo te individët që i artikulojnë.

Protestuesit kanë renditur sërish kërkesat kryesore të lëvizjes qytetare:

Dorëheqjen e kryeministrit Edi Rama.

Krijimin e një qeverie teknike me mandat 12-mujor.

Ndryshime kushtetuese dhe ligjore, që përfshijnë:

Reformimin e Kodit Zgjedhor;

Rregulla të reja për financimin e partive politike;

Kufizimin e mandatit të kryeministrit në maksimum dy mandate.

Anulimin e politikave dhe ligjeve që, sipas protestuesve, dëmtojnë interesin publik, përfshirë:

Zonat e mbrojtura;

Trashëgiminë kulturore;

Paketën e Maleve;

Statusin e investitorëve strategjikë.

Hartimin e një kontrate të re sociale mes qeverisë dhe qytetarëve.

Protestuesit deklarojnë se do të vijojnë mobilizimin e tyre deri në realizimin e kërkesave, duke e konsideruar këtë protestë si një përpjekje për ndryshime të thella politike dhe institucionale në vend.