Foto/ Ndërron jetë në moshën 27-vjeçare ylli i “RuPaul’s Drag Race”, vdes papritur në gjumë

RuPaul’s Drag Race është tronditur nga një lajm i rëndë, pasi një nga emrat e rinj të sezonit të ardhshëm, Jason Elvie Ty, i njohur si Misua, ka ndërruar jetë në moshën 27-vjeçare.

Sipas informacioneve të para, artistja është gjetur pa shenja jete në gjumë, ndërsa rrethanat e plota të vdekjes nuk janë bërë ende publike. Lajmi ka shkaktuar reagime të shumta në komunitetin artistik dhe tek ndjekësit e spektaklit.

Produksioni World of Wonder reagoi me një mesazh prekës, duke e përshkruar Misuën si një artiste që sillte energji, kreativitet dhe pozitivitet kudo që ishte e pranishme. Ata konfirmuan gjithashtu se janë në kontakt me familjen, e cila ka kërkuar privatësi në këtë moment të vështirë.

Si pasojë e kësaj ngjarjeje, xhirimet e sezonit të ri janë pezulluar përkohësisht, për t’i dhënë kohë stafit dhe konkurrentëve të përballojnë humbjen.

Edhe familjarët kanë reaguar publikisht, duke e kujtuar si një person të dashur dhe të pazëvendësueshëm, ndërsa rrjetet sociale janë mbushur me mesazhe ngushëllimi dhe homazhe nga fansa dhe kolegë.

Humbja e saj vjen në një moment kur karriera ishte në ngritje dhe shumëkush priste ta shihte në sezonin e ri të spektaklit, duke e bërë këtë lajm edhe më të rëndë për publikun.