Senatorët amerikanë konfirmojnë mbështetjen për NATO-n pas kërcënimeve të Trumpit

Bashkëkryesuesit e Grupit Vëzhgues të NATO-s në Senatin amerikan, Jeanne Shaheen dhe Thom Tillis, reaguan ndaj kërcënimeve të presidentit Donald Trump për tërheqjen e SHBA-së nga aleanca, duke theksuar se Kongresi nuk do ta lejojë një vendim të tillë.

Senatorët e përshkruan NATO-n si aleancën “më të fuqishme dhe më të suksesshme” në histori, që mbron sigurinë dhe interesat ekonomike të SHBA-së.

Ata kujtuan ndihmën e aleancës pas sulmeve të 11 shtatorit dhe kontributin në Afganistan.

Edhe senatorët Chris Coons dhe Mitch McConnell riafirmuan mbështetjen për NATO-n, duke nënvizuar se amerikanët janë më të sigurt kur aleanca është e bashkuar.

Çdo vendim zyrtar për tërheqjen kërkon miratimin e dy të tretave të Senatit.