17-vjeçari shpallet në kërkim për abuzim seksual ndaj një 10-vjeçari në Gjirokastër

Specialistët për Hetimin e Krimeve në Komisariatin e Policisë Gjirokastër kanë referuar materialet në Prokurori dhe kanë shpallur në kërkim një 17-vjeçar, banues në lagjen Zinxhira, i dyshuar për abuzim seksual ndaj një 10-vjeçari, në prani të dy të miturve të tjerë, 9 dhe 10 vjeç.

17-vjeçari është larguar drejt Greqisë para se viktima dhe prindërit e tij të paraqiteshin në policinë lokale për kallëzim.

Të miturit janë intervistuar në prani të prindërve, psikologes, avokatit dhe përfaqësuesve të Njësisë për Mbrojtjen e Fëmijëve, sipas procedurave ligjore.

Hetimet për dokumentimin ligjor të rastit vazhdojnë.

Materialet procedurale janë përcjellë Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër për veprime të mëtejshme.