Kontrolle blic/ Zbulohet dhe sekuestrohet 'iPhone' i fshehur në qeli, e pëson i dënuari në burgun e Fierit

Në burgun e Fierit janë zhvilluar kontrolle nga Grupi i Sigurisë, në kuadër të masave për parandalimin e futjes dhe mbajtjes së sendeve të ndaluara në ambientet e burgut.

Sipas njoftimit zyrtar kontrollet janë ushtruar në godinën B, sektorët 1 dhe 2, ku gjatë verifikimeve te një i dënuar me inicialet L.K është konstatuar dhe sekuestruar një aparat celular i tipit “iPhone”.

Pas këtij rasti është mbajtur raport incidenti dhe i dënuari është vendosur në regjim veçimi, ndërsa materialet janë referuar për ndjekje të mëtejshme procedurale nga strukturat përkatëse.