Ngjarja tragjike në Vlorë, policia reagon pas vdekjes së 3-vjeçarit: Ndërroi jetë në vend pasi ra nga ballkoni

Sot, rreth orës 18:20, në lagjen “Pavarësia 3”, një fëmijë 3 vjeç, dyshohet se aksidentalisht ka rënë nga ballkoni i banesës në pallatin ku banonte dhe për pasojë ka ndërruar jetë në vend.

Nga të dhënat paraprake rezulton se fëmija ndodhej në banesë së bashku me nënën e tij, shtetasen K. H.

Grupi hetimor nën drejtimin e Prokurorisë ndodhet në vendngjarje dhe po vijon punën për sqarimin dhe dokumentimin e plotë të rrethanave të ngjarjes.