“Fund i epokës Orbán”/ Brukseli 'shpërthen' në reagime pas humbjes në Hungari

Humbja e Viktor Orbán në zgjedhjet në Hungaria është pritur me reagime pozitive në Bruksel, ku drejtuesit e Bashkimi Evropian shpresojnë për një ndryshim kursi nga ana e vendit.

Ursula von der Leyen reagoi duke e parë rezultatin si një sinjal që Hungaria po afrohet sërish me BE-në. Edhe Roberta Metsola përgëzoi liderin e opozitës Péter Magyar për fitoren.

Reagime në të njëjtën linjë erdhën edhe nga liderë të tjerë europianë. Emmanuel Macron e konsideron këtë rezultat si një shenjë të qartë të orientimit pro-evropian të qytetarëve hungarezë. Ndërsa kancelari gjerman Friedrich Merz foli për nevojën e një bashkëpunimi më të afërt në të ardhmen.

Nga vendet baltike, Kristen Michal e sheh këtë si një moment të rëndësishëm për të ardhmen e Hungarisë brenda Evropës. Edhe kryeministri suedez Ulf Kristersson e cilëson situatën si një fillim të ri për vendin.

Gjatë viteve të fundit, marrëdhëniet mes Hungarisë dhe BE-së kanë qenë të tensionuara, sidomos për çështje si sundimi i ligjit, politikat e migracionit dhe qëndrimi ndaj Ukrainës. Shpesh, Hungaria ka përdorur veton për të bllokuar vendime të rëndësishme në union.