Tre helikopterë dhe forcat në terren "luftojnë" me flakët në Krujë

Vijon operacioni për shuarjen e zjarrit në zonën e Abazës në Krujë, ku flakët dyshohet se janë shkaktuar nga dora e njeriut.

Për shkak të terrenit të thepisur dhe vështirësive për ndërhyrjen nga toka, operacioni po zhvillohet njëkohësisht nga ajri dhe toka.

Ministria e Mbrojtjes bën me dije se që prej pasdrekes, po punohet intensivisht me mbështetje nga ajri me 3 helikopterë të Forcës Ajrore, bashkë me forcat operacionale të strukturave vendore.