“Fashiste!”, Gazetari rus fyen Melonin/ Reagon ashpër kryeministrja: Propagandist i regjimit të Putinit

Gazetari dhe prezantuesi televiziv rus Vladimir Solovyov, i njohur për afërsinë e tij me Kremlinin, ka lëshuar fyerje të rënda ndaj kryeministres italiane Giorgia Meloni gjatë një emisioni në një televizion rus.

Gjatë programit të tij, Solovyov, duke folur në rusisht dhe italisht, e cilësoi Melonin si “fashiste” dhe “grua të keqe”, ndërsa shtoi gjithashtu se “tradhtia është emri i saj i mesëm”, duke pretenduar se ajo ka tradhtuar ish-presidentin amerikan Donald Trump.

Deklaratat kanë shkaktuar reagim të menjëhershëm nga autoritetet italiane. Ministri i Jashtëm Antonio Tajani ka thirrur ambasadorin rus në Itali për një protestë zyrtare, duke dënuar gjuhën e përdorur dhe duke kërkuar shpjegime për incidentin diplomatik.