Luftërat po zbrazin arsenalet e raketave mbrojtëse, New York Times: Perëndimi drejt një krize mbrojtjeje ajrore

Rezervat e raketave interceptorë po shterojnë me shpejtësi për shkak të përdorimit intensiv në Ukrainë dhe Lindjen e Mesme, shkruan New York Times.

Sipas analizës, këto sisteme përdoren për të rrëzuar raketa balistike, raketa lundruese dhe dronë, ndërsa në shumë raste lëshohen dy interceptorë për çdo kërcënim, duke rritur ndjeshëm konsumin.

Vetëm në Gjirin Persik, Irani ka lëshuar 23 raketa lundruese, 498 raketa balistike dhe mbi 2.100 dronë, duke vënë nën presion të madh mbrojtjen ajrore.

Vende si Emiratet e Bashkuara Arabe dhe Bahreini kanë përdorur mbi tre të katërtat e stokut të tyre të interceptorëve Pac-3.

Ndërkohë, prodhimi mbetet i ngadaltë për shkak të teknologjisë së avancuar, dhe sipas analistëve, kapacitetet aktuale nuk mjaftojnë për të përballuar kërkesën në rritje.