Mashtron klienten dhe e detyron të kryente marrëdhënie seksuale me pretekstin se do e ndihmonte me traumat...

Një terapist 77-vjeçar në Britani, Gerald Peck nga Brighton, është dënuar me 11 vjet burg për abuzim seksual ndaj një klienteje 40-vjeçare, duke përdorur pretekstin e një terapie të re për të kryer marrëdhënie seksuale me të.

Viktima i kishte besuar Peck për të përballuar depresionin dhe dhimbjet fizike, por ai shfrytëzoi pozicionin e tij për të manipuluar dhe abuzuar seksualisht me të.

Gruaja kishte kërkuar ndihmë tek Peck pasi kishte parë reklama që e promovonin atë si “terapist privat të trupit dhe energjisë”.

Gjatë takimit të parë, Peck pretendoi se kontakti lëkurë me lëkurë dhe kontaktet intime ishin të nevojshme për rikuperimin e shëndetit të saj, duke shfrytëzuar traumat e fëmijërisë së viktimës për të justifikuar sjelljen e tij.

Peck u akuzua për pesë akuza të abuzimit seksual dhe u dënua me 11 vjet burg. Ai ishte gjithashtu skualifikuar nga ushtrimi i profesionit të tij që nga viti 1980. Policia dhe autoritetet theksuan guximin dhe qëndrueshmërinë e viktimës, që luajtën një rol vendimtar në sigurimin e dënimit dhe nënvizuan rëndësinë e kufijve etikë të qartë në marrëdhëniet terapeutike.

Qëndrueshmëria e saj gjithashtu ndihmoi në rritjen e ndërgjegjësimit për abuzimet në shëndetësi dhe sigurimin që raste të ngjashme të trajtohen në mënyrë efektive në të ardhmen./Shqip