Të shtënat me a*më në Shtëpinë e Bardhë/ BBC: A ishte e mjaftueshme siguria në event?

BBC ka shkruar një artikull mbi sigurinë e Shtëpisë së Bardhë ku u dëgjuan të shtëna një natë më parë. Media britanike shkruan se, hoteli u mbyll për publikun rreth orës 14:00 sipas orës lokale (19:00 BST), me hyrje të kufizuar për klientët e hotelit dhe ata me bileta për eventin ose për një nga disa pritjet private që u zhvilluan para dhe pas eventit kryesor.

Personalisht, e gjeta paksa të çuditshme të hyja në hollin kryesor të hotelit rreth orës 17:30 (22:30 BST) dhe të shihja klientët e hotelit duke ngrënë e pirë në holl, vetëm pak metra larg politikanëve të shquar dhe anëtarëve të medias.

Ftesat nuk u kontrolluan në hyrje të hotelit, megjithëse më është dashur t’ia tregoj shkurtimisht një roje për të hyrë në hotel. Nuk ka emra në bileta - vetëm numra tavolinash - dhe në asnjë moment nuk më është kërkuar të tregoj ndonjë formë identifikimi.

Vetëm një herë mysafirët kaluan nëpër detektorë metalesh, pak para se të hynin në një zonë të madhe pritjeje ku shërbeheshin pije. Të shtënat ndodhën në këtë zonë, e cila ishte një kat më lart nga salla e vërtetë e vallëzimit.

Megjithatë, disa njerëz me të cilët kam folur kujtojnë se janë habitur pak nga mënyra se si është kryer ai kontroll sigurie.

Një mik i imi më tha këtë mëngjes se detektori i metaleve u aktivizua për shkak të një pajisjeje avullimi në xhep, por u lejua të kalonte pasi i shpjegoi oficerit se çfarë ishte.