Thyhet heshtja e Mojtaba Khameneit, televizioni iranian njofton mesazhin e parë të liderit

Televizioni shtetëror iranian thotë se mesazhi i parë nga Udhëheqësi i ri Suprem, Mojtaba Khamenei, do të publikohet së shpejti.

Në një postim në Telegram thuhet: “Ky mesazh strategjik, i cili është lëshuar në shtatë seksione të rëndësishme, përmban pika të veçanta lidhur me udhëheqësin e revolucionit të rënë dëshmor, rolin dhe detyrat e popullit, forcave të armatosura, organeve ekzekutive dhe frontit të rezistencës, si dhe të vendeve të rajonit dhe përballjen me armiqtë.”

Nuk është ende e qartë nëse ky mesazh do të jetë në formë videoje, si deklaratë e shkruar apo kur do të publikohet.