FOTOT/ Me veshje tradicionale, flamuj dhe tupana! Shqiptarët 'ndezin' Prishtinën, me ta bashkohen edhe tifozët turq

Prishtina sot është kthyer në qendrën e shqiptarisë, pasi shqiptarët nga çdo vend i botës kanë udhëtuar për në kryeqytetin e Kosovës. 'Dardanët' kanë mundësinë që me fitoren kundër Turqisë të jenë në grupet e Kupës së Botës 2026.

Interesi ka qenë i madh, teksa shqiptarët i sheh me veshje patriotike, tupana dhe flamuj kombëtar. Mes tyre nuk mungojnë as tifozët e Turqisë dhe deri në këto momente nuk raportohet për incidente.

Çdo rrugë në Prishtinë duket se është në festë, me ndeshjen që nis në orën 20:45 në stadiumin 'Fadil Vokrri'.