Pak ditë para sfidës me Poloninë, Rey Manaj lë fushën e lojës i dëmtuar…

Stafi i Kombëtares shqiptare merr lajme shqetësuese nga Turqia. Sulmuesi Rey Manaj u detyrua të lërë fushën e lojës në ndeshjen mes Sivassporit dhe Umraniyespor për shkak të një problemi muskular në pjesën e sipërme të kofshës së majtë.

Manaj që nuk ishte i pranishëm në sfidën e mëparshme ndaj Hatayspor, në këtë përballje ishte në formacionin bazë, por sulmuesi kuqezi nuk mundi të vijojë ndeshjen duke u zëvendësuar që në minutën e 7 të saj.

Nuk dihet ende shkalla e dëmtimit të Manajt dhe gjithçka do të mësohet pas ekzaminimeve mjekësore, por ky problem vjen pikërisht 11 ditë përpara ndeshjes së rëndësishme me Poloninë për playoffin e Botërorit të SHBA, Meksikës dhe Kanadasë.