Të shtëna në Ngushticën e Hormuzit, SHBA dhe Irani hapin zjarr ndaj njëra-tjetrës

Të shtëna me armë zjarri dhe shpërthime janë raportuar këtë të premte në zonën pranë Ngushtices së Hormuzit, sipas mediave iraniane, pasi ushtria amerikane ndërhyri ndaj dy anijeve të lidhura me Iran që dyshohet se po tentonin të thyenin bllokadën amerikane.

Agjencia gjysmëzyrtare iraniane Tasnim News Agency raportoi se gjatë orëve të fundit ka pasur një shkëmbim të kufizuar zjarri mes forcave amerikane dhe iraniane në zonë.

Sipas raportimeve, më herët Shtetet e Bashkuara ndaluan dy anije cisternë me flamur iranian që po tentonin të hynin në një port në Gjiri i Omanit.

Përplasjet vijnë pas tensioneve të një nate më parë, kur Teherani dhe Shtetet e Bashkuara shkëmbyen akuza për sulme ndaj anijeve në Gjirin Persik.

Ndërkohë, Sekretari amerikan i Shtetit, Marco Rubio, deklaroi se Uashingtoni po pret një përgjigje nga Irani lidhur me një propozim për t’i dhënë fund konfliktit.

Nga ana tjetër, autoritetet në Emiratet e Bashkuara Arabe raportuan se tre persona kanë mbetur të plagosur nga një valë e re sulmesh.