Qëllohet me armë zjarri një person në Prishtinë, transportohet në spital në gjendje të rëndë

Mbrëmjen e së enjtes janë raportuar të shtëna me armë zjarri në Prishtinë, ku një person është qëlluar në kokë dhe është transportuar me urgjencë në spital për trajtim mjekësor.

Sipas informacioneve paraprake, i plagosuri ndodhet në gjendje kritike, ndërsa dyshohet se shënjestër e sulmit ka qenë shtetasi Harbim Vitija i njohur me nofkën “Plaku”.

Policia ka rrethuar zonën e ngjarjes dhe ka nisur hetimet për të zbardhur rrethanat dhe autorët e mundshëm të sulmit.