Tjetër ngjarje tragjike, i zuri poshtë kanali i shembur i HEC-it në Gramsh, gjendet trupi i pajetë i punëtorit!

Një ngjarje e rëndë ka ndodhur ditën e sotme në fshatin Poroçan të Gramshit. Kanali i një hidrocentrali në fshat është shembur dhe si pasojë dyshohet se dheu ka zënë poshtë dy punëtorë.

Zjarrfikësja dhe ekipet e kërkim-shpëtimit kanë mbërritur në vendngjarje dhe kanë nxjerrë trupin e pajetë të njërit prej punëtorëve.

Pak ditë më parë një tragjedi e tillë ka ndodhur në Klos, ku shembja e një masivi minerali, zuri poshtë një 29-vjeçar që po punontë aty me fadromë.

Trupi i pajetë i Ardit Beshirit u gjet pas 6 ditësh kërkimesh, që u asistuan edhe nga Forcat Speciale të Kosovës