Mjegulla 'pushton' aksin Kardhiq-Delvinë, 5 aksidente dhe vështirësi në qarkullim! Policia apel për kujdes

Mjegulla e dendur që ka përfshirë pasditen e sotme aksin rrugor Kardhiq-Delvinë, duke nisur nga dalja e tunelit dhe në vijim të gjithë zonën, ka sjellë vështirësi të shumta në qarkullimin e automjeteve.

Sipas burimeve nga policia, deri tani janë shënuar 5 aksidente rrugore që kanë shkaktuar vetëm dëme materiale.

Në këtë aks ndodhen patrullat e Policisë Rrugore të Sarandë, të cilat po monitorojnë situatën dhe po udhëzojnë drejtuesit e mjeteve të lëvizin me kujdes, të respektojnë shpejtësinë e lejuar dhe të mbajnë ndezur dritat.