Konflikti në Lindjen e Mesme, Izraeli: Ekzekutuam një nga liderët e Hamasit

Konflikti në Lindjen e Mesme ka hyrë në ditën e 631-të, ndërsa dhuna dhe përplasjet vazhdojnë pa shenja të qarta të qetësimit.

Ushtria izraelite ka njoftuar se ka vrarë Hakham Muhammad Issa Al-Issa, një nga themelesit e grupit Hamas, gjatë një bastisjeje në qytetin e Gazës. Sipas autoriteteve izraelite, ai konsiderohej një figurë kyçe brenda strukturës së lartë të Hamasit.

Gjatë natës dhe deri të shtunën, sulmet izraelite kanë shkaktuar të paktën 62 viktima në Gaza, sipas raportimeve nga burime lokale dhe ndërkombëtare.

Ndërkohë, në arenën ndërkombëtare, presidenti amerikan Donald Trump ka deklaruar se një armëpushim do të arrihet “brenda javës së ardhshme”.

Duke folur në një event elektoral, Trump ka bërë edhe një koment për udhëheqësin suprem iranian:

“Khamenei duhet të më falënderojë, e shpëtova nga një vdekje e turpshme,” duke lënë të kuptohet për ndërhyrje të mëparshme ose ndikim në tensionet rajonale.

Komuniteti ndërkombëtar vijon të bëjë thirrje për ndalimin e menjëhershëm të dhunës dhe arritjen e një marrëveshjeje për ndihmë humanitare dhe paqe të qëndrueshme.