Amber Candy sfidon komentin transfobik: “Ma sill burrin tënd, po u kthye bëhem prapë burrë!”

Amber Candy, ish-banorja transgjinore e Big Brother VIP Albania, ka reaguar me ironi dhe sfidë ndaj një episodi të pakëndshëm që i ka ndodhur në rrugë. Sipas saj, një qytetare i është drejtuar me përçmim duke i thënë: “Grua lind, nuk bëhesh.”

Përmes një videoje të publikuar në InstaStory, Amber ka zgjedhur të përgjigjet publikisht me një deklaratë që ka ngjallur menjëherë reagime në rrjete sociale.

“Ma sill burrin tënd një herë — po u kthye te ti, unë bëhem prapë burrë!”, u shpreh ajo, duke e kthyer komentimin përçmues në një sfidë ironike.

Reagimi i Amber ka ndarë opinionin publik. Ndërsa shumë komentues e kanë përgëzuar për kurajon dhe për mënyrën si i përballon paragjykimet, të tjerë kanë vijuar me kritika, duke nxitur debat mbi çështjet e identitetit gjinor dhe lirinë personale.

Ngjarja shënon një tjetër rast kur individët transgjinorë përballen me diskriminim të hapur në hapësirat publike, ndërkohë që reagimet ndaj deklaratave si kjo e Amber dëshmojnë edhe një herë polarizimin që ekziston në shoqërinë shqiptare lidhur me këto tema.