Sara Hoxha dhe Erik Fullani kapen mat sërish , çifti i shumëpërfolur pushojnë bashkë në jug

Sara Hoxha dhe Erik Fullani duket se nuk po e fshehin më raportin e tyre. Dyshja që ka tërhequr vëmendjen e publikut këtë verë janë fotografuar sërish në momente të afërta, gjatë një pushimi romantik në jug të Shqipërisë.

Në disa imazhe të publikuara në rrjet, Sara dhe Eriku shfaqen buzë detit, mes rërës së bardhë dhe ujërave të kristaltë, teksa duken në një atmosferë intime dhe të relaksuar. Pamjet kanë ndezur sërish thashethemet për një lidhje mes tyre – diçka që prej javësh ka qenë temë diskutimi në rrjetet sociale.

Pavarësisht se asnjëri prej tyre nuk ka bërë ende një koment publik, çdo dalje e përbashkët duket se forcon gjithnjë e më shumë idenë e një romance që po konsolidohet.

Ky udhëtim vjen pas një sërë daljesh të përbashkëta në Tiranë dhe pjesëmarrje në evente publike, ku Sara dhe Eriku janë parë vazhdimisht pranë njëri-tjetrit, duke u sjellë si një çift i vërtetë, edhe pse pa konfirmim zyrtar.

Për momentin, mbetet për t’u parë nëse çifti do të zgjedhë ta bëjë publike lidhjen, apo do të vazhdojë të ruajë një profil të ulët, ndërsa vëmendja ndaj tyre vetëm sa rritet.