Tifozët shqiptarë djegin flamurin serb në mes të Tiranës

Disa ore para ndeshjes mes Shqipërisë dhe Serbisë tifozeria shqiptare është ‘karikuar’, teksa nuk kanë munguar as sjelljet e pahijshme.

Nga Tirana kane ndodhur skena ku duket se një grup personash të veshur me fanellën e Shqipërisë kanë djegur flamurin e Serbisë.

Kombëtarja shqiptare e futbollit luan sot (e shtunën) në orën 20:45 kundër Serbisë në “Arenën Kombëtare” të Tiranës, sfidë kjo e vlefshme për Grupin K kualifikues të Kupës së Botës 2026.

Sfida për shumë tifozë e tejkalon anën sportive dhe në pah del historia e trazuar mes popujve.

Autobusi që transportoi ekipin serb nga hoteli për në stadium u qëllua me një shishe uji nga një fëmijë, me policinë që ndërhyu menjëherë.