Përfshihet nga flakët fusha e mbetjeve në Vlorë, tymi i dendur toksik mbulon qytetin

Fusha e mbetjeve në Vlorë është përfshirë sërish nga zjarri ditën e sotme. Si pasojë tymi i zi, është përhapur në të gjithë qytetin.

Zjarri ka shkaktuar një re të dendur tymi, e cila është përhapur mbi lagjet përreth deri edhe në Lungomare.

Zjarrfikësit ndodhen në vendngjarje dhe po punojnë për izolimin e flakëve.

Nuk raportohen për persona të lënduar nga zjarri. Kjo është hera e disatë që kjo fushë mbetjesh përfshihet nga zjarri.