Rama feston fitoren krah bashkëshortes dhe dy djemëve të tij: E pamundur ta them atë që ndjej!

Kryeministri Edi Rama po mban fjalimin e fitores në sheshin Skënderbej. Kryesdocialisti ka mbërritur i shoqëruar nga bashkëshortja Linda Rama.

“Fillimisht me gratë dhe vajzat komando të PS në 12 qarqet dhe të gjithë prej këtij sheshi të Skënderbeut, për të korrur çfarë mbollëm. Për 30 ditë, shqiptarët gjykuan dhe në 11 maj, ata vendosën të na e besojnë ne, PS, mandatin e katërt.

Na besuan më shumë se asnjëherë më parë. Në 4 vjet mbollëm më shumë besim, ne mbollëm më shumë shpresë për Shqipërinë, mbollëm krenari për Shqipërinë europiane.

Shqiptarët zgjidhën për një Shqipëri edhe më të mirë. E pamundur ta them atë që ndjej. Kjo, një fitore historike aq më tepër në momentin që vjen”, theksoi ai.