"Mamin e humba para dy vitesh, nuk e përcolla dot"/ Mimoza Ahmeti hap zemrën

Mimoza Ahmeti, e njohur për pjesëmarrjen e saj në Ferma VIP, ka rrëfyer për publikun një moment personal dhe të dhimbshëm nga jeta e saj.

Ajo ka ndarë emocionet lidhur me ndarjen nga jeta të nënës së saj, e cila ndërroi jetë para dy vitesh në Shtetet e Bashkuara.

Mimoza tregoi se nuk mundi të udhëtonte për ta parë nënën në momentet e fundit për shkak të mungesës së vizës amerikane.

Përmes rrëfimit të saj, poetja shprehu trishtimin dhe frustrimin që ndjeu kur përballoi burokracitë për të aplikuar për vizë, duke treguar se nuk mundi të ishte pranë familjes në një moment kaq të rëndësishëm.

Në përgjigje të situatës, Jonida Maliqi, bashkëkandidatja e saj në Ferma VIP, i premtoi se do të përpiqen ta ndihmojnë Mimozën të marrë vizën amerikane sapo të përfundojë programi, për të mundur të vizitojë vendin ku prehet e ëma.

Rrëfimi i Mimozës ka emocionuar jo vetëm publikun, por edhe banorët e fermës, duke treguar anën më të ndjeshme dhe të prekshme të poeteshës.