Ministri turk: Kriza në Ngushticën e Hormuzit mund të zgjasë, duhet të ....

Ministri i Energjisë i Turqisë, Alparslan Bayraktar, ka deklaruar se kriza e krijuar rreth Ngushticës së Hormuzit mund të zgjasë më shumë se sa pritej fillimisht.

Duke folur për një televizion turk, ai theksoi se vendi duhet të jetë i përgatitur për një situatë të zgjatur tensioni në këtë zonë strategjike të transportit të energjisë.

Megjithatë, Bayraktar shtoi se aktualisht Turqia nuk po përballet me probleme në furnizimin me energji si pasojë e konfliktit të lidhur me Iranin, duke theksuar se situata energjetike në vend mbetet e qëndrueshme.