Tragjedi në Gaza/ Shembet ballkoni i një pallati gjatë përpjekjes për të marrë ndihmat humanitare, zë poshtë turmat e palestinezëve

Një ballkon i një pallati në Gaza u shemb ndërsa dhjetëra palestinezë u përpoqën të arrinin një pako me ndihmë humanitare që kishte rënë në çatinë e një restoranti, duke plagosur disa persona, sipas një videoje që qarkullon në internet.

Incidenti ndodhi kur një pako me ndihmë humanitare që ishte hedhur me parashutë nga një aeroplan u bllokua në çatinë e një ndërtese . Pakoja ra në një ballkon, vendndodhja e të cilit u identifikua përmes gjeolokacionit.

Qindra palestinezë nxituan drejt vendit të ngjarjes, me dhjetëra të tjerë që u mblodhën nën ballkon dhe shumë prej tyre u ngjitën në të në një përpjekje të dëshpëruar për të arritur kutitë e ndihmave.

Ndërsa pesha u rrit, ballkoni filloi të përkulej përpara se të shembej mbi ata që ishin në tokë.